Suno yrr, mera bachcha... ❤️
Pata nhi ye baat tumhe kabhi theek se bata paya hun ya nhi, par tum mere liye bht, bht special ho. Aur ye me kisi perfect moment ka wait krke nhi kehna chahta tha. Bas aaj dil ne kha, jo feel krta hun, wo tumhare liye yahin likh kr rakh dun.
Tumhari hasi. Tumhari zid. Tumhara kabhi bilkul bachchon jaisa ho jana, aur kabhi itni samajhdaari se baat krna ki me bas sunta reh jaun. Tumhari ye saari alag alag si aadatein mujhe itni apni lgti hain na... kab tumhari chhoti chhoti baaton par dhyaan dena meri aadat bn gya, mujhe khud pta nhi chla.
Mujhe humari lambi baatein bht achhi lgti hain. Wo moments, jab kisi khaas topic ki zaroorat hi nhi hoti, phir bhi baat khatam hone ka naam nhi leti. Kabhi tum kuch bta rhi hoti ho, kabhi me apni duniya ke kisse sunane lgta hun. Aur kabhi bas ek dusre ko chhedkar hans dete hain. Bas yahi toh pyaar h, jahan tumhe interesting banne ki acting nhi krni padti.
Haan, ye bhi sach h, humare beech sab kuch hamesha easy nhi rha. Kabhi baat ulajh jati h, kabhi hum dono apni apni jagah se cheezon ko dekhte hain. Me ye jhootha promise nhi karunga ki hum kabhi ladenge hi nhi. Par itna dil se chahta hun, jab bhi hum disagree krein, ek dusre ko haraane ke liye nhi, samajhne ke liye baat krein. Aur agar kabhi meri kisi baat se tumhara dil dukhe, toh me bas sorry bolkar aage na badh jaun, samjhun bhi ki tumhe takleef kyun hui.
Ek baat aur suno... mujhe tumhare saath sirf birthdays, trips aur sundar photos nhi chahiye. Mujhe wo bilkul normal se din bhi chahiye. Jab hum dono thake hue hon. Jab plans cancel ho jayein. Jab kuch exciting na ho rha ho. Jab ek chai bna rha ho aur dusra faltu ki baatein krke hansa rha ho. Jab tum kisi chhoti si baat par mujhe daant do, aur me phir bhi tumhe chhedne ka koi na koi mauka dhoondh lun. Mujhe lgta h, zindagi asal me aise hi dino se banti h.
Me kabhi nhi chahta ki tum mere bina khud ko adhoora feel kro. Tum apne aap me poori ho, apne sapnon, apni soch, apni pehchaan ke saath. Aur me chahta hun ki hum ek dusre ki duniya ko chhota nhi, aur bada krein. Ki hum ek dusre ko har roz majboori se nhi, apni marzi se, khushi se choose krein.
Mujhe tumhari har baat samajh aa jaye, ye zaroori nhi. Par tumhari baat mere liye important rhe, ye bht zaroori h. Kabhi tum khush ho, toh me tumhari khushi me poori tarah shaamil hona chahta hun. Kabhi tumhara din achha na ho, toh har problem solve kiye bina bhi... bas tumhare paas rehna seekhna chahta hun. Aur kabhi mujhe apne liye thoda waqt chahiye ho, toh tumhe door kiya hua feel na ho, hum itna bharosa bna sakein, bas.
Tumhe kabhi kabhi lgta hoga ki me bht bolta hun. Par mere liye pyaar sirf achhe sentences likh dena nhi h. Pyaar wo h jo roz ki chhoti choices me dikhta h, tumhe dhyaan se sunne me, apni galti maan lene me, ek dusre ki izzat krne me... aur un chhoti baaton ko yaad rkhne me, jo dusre ke liye important hain.
Ab meri ek chhoti si wish suno...
Kabhi 30 saal baad, jab hum dono ke baalon me safedi aa gyi ho, aur tum ab bhi mujhe kisi na kisi baat par daant rhi ho, tab ye letter ek baar phir kholna. Shayad tab hum apni purani baaton par khoob hansenge. Shayad tum kahogi, Tum kitni filmy baatein krte the! Aur me muskura kar kahunga, The? Me abhi bhi krta hun.
Par us din me tumhari aankhon me dekhkar ek baat jaanna chahta hun, kya maine tumhe wo respect, wo care aur wo saath diya, jiske baare me aaj ye likh rha hun? Me chahta hun ki us sawaal ka jawaab tumhe sirf is letter me nhi, humari jee hui zindagi me mile.
Aur agar zindagi ne humein itne saare saal saath diye, toh main nahi chahta tum ye kaho ki humari kahani perfect thi. Bas itna kehna, Humne ek dusre ko sach me samajhne aur nibhaane ki poori koshish ki. Mere liye usse khoobsurat baat shayad koi nhi hogi.
Baaki kehne ko abhi bht kuch h tumse. Par sab aaj hi keh diya... toh aane wale saalon me tumhe pareshan kis baat par karunga? 🫠
I love you, mera bachcha. ❤️
Aaj bhi. Aur har us kal me bhi, jahan hum ek dusre ko phir se choose krein.